თბილისის ინფექციური საავადმყოფოს კლინიკური დირექტორის, მარინა ეზუგბაიას განცხადებით ბოლო 24 საათში დადასტურებული 20 ახალი შემთხვევიდან, 8 პაციენტი – უკვე დადასტურებული შემთხვევის კონტაქტია, 1 – სამედიცინო პერსონალია, 7 – იპმორტირებული შემთხვევაა, მათგან 4 სატვირთო ავტომობილის მძღოლია, 4 პაციენტზე მიმდინარეობა ეპიდკველვა წყაროს მოძიებისა და კონტატების დადგენის მიზნით.
გამოჯანმრთელებულთა რაოდენობა ბოლო 24 საათის განმავლობაში 9-ით გაიზარდა. გამოჯანმრთელებულების საერთო რაოდენობა 81,6%-ია.
დღესდღეობით კოვიდცენტრებში მკურნალობს 262 კოვიდინფექციის მქონე პაციენტი.
მათგან რეანიმაციასა და ინტენსიური თერაპიის განყოფილებებში მკურნალობს 3 კრიტიკულად მძიმე და 16 მძიმე პაციენტი, დანარჩენი პაციენტების მდგომარეობა არის საშუალო სიმძიმის, მცირე ნაწილის – მსუბუქი.
3 სექტემბრისთვის არსებული სტატისტიკური მონაცემები ამგვარია:
- კორონავირუსის დადასტურებული შემთხვევა – 1568;
- აქედან გამოჯანმრთელდა – 1279;
- გარდაიცვალა – 19;
- კარანტინის რეჟიმში – 6250;
- სტაციონარში მეთვალყურეობის ქვეშ – 289;
- *უცხოეთიდან სამკურნალოდ გადმოყვანილი საქართველოს მოქალაქე – 41.
