აშშ-ის სახელმწიფო მდივანი მარკო რუბიო 2-4 აპრილს ბრიუსელში ჩავა, რათა უკრაინისა და NATO-ს საკითხები განიხილოს.
ის NATO-ს წევრი ქვეყნების საგარეო საქმეთა მინისტრების შეხვედრას დაესწრება.
სახელმწიფო დეპარტამენტის ცნობით, „რუბიო შეხვედრაზე განიხილავს ალიანსის უსაფრთხოების პრიორიტეტებს, მათ შორის მოკავშირეების თავდაცვითი ინვესტიციების გაზრდასა და უკრაინაში მდგრადი მშვიდობის უზრუნველყოფას“.
სახდეპ-ის სპიკერის, ტემი ბრიუსის თანახმად, სახელმწიფო მდივანი რუბიო ასევე განიხილავს ჩინეთიდან მომავალ საფრთხეებს, რომელიც ემუქრება როგორც ევრო-ატლანტიკურ, ისე ინდო-წყნარი ოკეანის ალიანსებს.
