მარნეულში დაჭრილთაგან ერთ-ერთი საავადმყოფოში დაიღუპა.
დღეს მარნეულში სროლა იყო, სროლის შედეგად დაჭრილი ორი ადამიანი საავადმყოფოში გადაიყვანეს.
ადგილობრივი მედიის „რადიო მარნეულის“ ცნობით, მარნეულის ბაზარში მამა-შვილი დაჭრეს.
მათივე ცნობით, შეიარაღებულმა პირმა მამა-შვილი, რომლებიც მარნეულის ბაზარში ოქროს ნაკეთობებით ვაჭრობენ, ცეცხლსასროლი იარაღით დაჭრა.
შინაგან საქმეთა სამინისტროში აცხადებენ, რომ გამოძიება მიმდინარეობს სისხლის სამართლის კოდექსის 19, 109-ე მუხლით, რაც დამამძიმებელ გარემოებაში განზრახ მკვლელობის მცდელობას გულისხმობს.
