„რა თქმა უნდა, მე დიდ პატივს ვცემ ბატონი კობახიძის ცოდნასა და გამოცდილებას საკონსტიტუციო სამართალში, ისევე, როგორც მრავალი სხვა კონსტიტუციონალისტი ექსპერტის, რომლებთანაც საქართველოში შეხვედრის სიამოვნება მხვდა წილად. ამ ქვეყანას ნამდვილად გაუმართლა, რომ ჰყავს საკონსტიტუციო სამართლის სფეროში მრავალი განათლებული და კარგად ინფორმირებული სპეციალისტი. მეც ასევე მაქვს საკონსტიტუციო სამართალში გამოცდილება, მათ შორის კონსტიტუციის შემუშავებაშიც მიმიღია მონაწილეობა“, – განაცხადა საქართველოში აშშ-ის ელჩმა, კელი დეგნანმა საკონსტიტუციო ცვლილებებზე საუბრისას.
დეგნანის კომენტარს „პირველი არხი“ ავრცელებს.
„ეს მოიცავდა შედარებით ანალიზს სხადასხვა კონსტიტუციასა და აპოლიტიკურ სისტემებს შორის იმის შესადარებლად, თუ რა მუშაობდა კარგად ამა თუ იმ სისტემაში, რაც არის ძალიან მნიშვნელოვანი, სასარგებლო, თუმცა საბოლოოდ, თითოეულმა ქვეყანამ თავად უნდა გადაწყვიტოს, რა არის საუკეთესო მისი სისტემისთვის.
საქართველოს ლიდერებმა დიდი დრო დაუთმეს იმ საკითხზე დებატებსა და განხილვებს, თუ რა არის სწორი საქართველოსთვის. სწორედ ეს არის მიზეზი, რომ არის 1-პროცენტიანი ბარიერი 2020 წლის ოქტომბრის საპარლამენტო არევნებში. ვფიქრობ, ყველა პარტიის ლიდერი, მათ შორის მმართველი პარტიის, შეთანხმდა, რომ საკმაოდ პოზიტიური შედეგი იყო, რომ ამ დაბალი ბარიერის შედეგად პარლამენტში მოხვდა ცხრა ძალიან მრავალფეროვანი პარტია. ამ მიზეზით საპარლამენტო არჩევნების შემდგომ, როდესაც პოლიტიკურმა ლიდერებმა კვლავ განიხილეს ეს საკითხი, ისინი შეთანხდნენ, რომ დაბალი 2-პროცენტიანი ბარიერი და სრულად პროპორციული სისტემა არის ამჟამად საქართველოსა და მისი დემოკრატიული განვითარების საუკეთესო ინტერესებში. მრავალი ადამიანი ელოდებოდა, რომ სრულიად პროპორციული საარჩევნო სისტემა 2019 წელს ამოქმედდებოდა. ეს საკითხია ახლა კონსტიტუციაში და 2-პროცენტიანი ბარიერი განკუთვნილია იმისთვის, რომ ხელი შეუწყოს მრავალპარტიულ სისტემას, რომელიც პარლამენტში მეტ მრავალფეროვნებას შექმნის და პარლამენტში იქნება წარმოდგენილი საქართველოს მოქალაქეების უფრო მეტი ხმა, მოსაზრება. ეს არის ძალიან მნიშვნელოვანი. ეს იყო საქართველოს პოლიტკური ლიდერების შეთანხმება, რაც შეესაბამება ამჟამად საქართველოს საუკეთესო ინტერესებს“, – განაცხადა კელი დეგნანმა.
2 დეკემბერს „ქართული ოცნების“ თავმჯდომარემ ირაკლი კობახიძემ კეlი დეგნანის განცხადებაზე საპასუხოდ განაცხადა, რომ ევროკავშირის წევრი ქვეყნების უმეტესობაში, სადაც პროპორციული საარჩევნო სისტემა მოქმედებს 5%-იანი საარჩევნო ბარიერი მოქმედებს.
„მე ვარ ამ საქმის, უშუალოდ ამ სფეროს სპეციალისტი, რასაც კონსტიტუციური სამართალი ჰქვია და შემიძლია გითხრათ, რომ 2%-იანი ბარიერი – 2 % ან უფრო დაბალი მოქმედებს ევროკავშირის წევრ მხოლოდ ორ ქვეყანაში. არცერთ ამ ქვეყანაში არ ყალიბდება ტირანია. ამას გეუბნებით, როგორც ექსპერტი. რა თქმა უნდა, ქალბატონი კელი არ არის თვითონ ექსპერტი.“ – განაცხადა კობახიძემ.
