მესტიის მუნიციპალიტეტის სოფელ ლატალთან უხვი ნალექის გამო კლდე ჩამოიშალა. ინფორმაციას ამის შესახებ „პუბლიკას“ საგანგებო სიტუაციების მართვის სამსახურში უდასტურებენ.
მათივე ინფორმაციით, კლდის ჩამონგრევისას ჩაიხერგა ზუგდიდი-ჯვარი-მესტიის საავტომობილო გზა. შემთხვევის შედეგად არავინ დაშავებულა და ადგილზე მობილიზებულები არიან მეხანძრე-მაშველები.
„პუბლიკას“ საავტომობილო გზების დეპარტამენტში უთხრეს, რომ მიმდინარეობს გაწმენდითი სამუშაოები და მოძრაობა, სავარაუდოდ, საათ-ნახევარში აღდგება.
