მირზოიანი: სომხეთის ძირითადი პარტნიორები აშშ და ევროპა არიან

„ჩვენ დემოკრატია გვაქვს და გვსურს დემოკრატიული ინსტიტუტების გამყარება. ვხედავთ, რომ აშშ და ევროკავშირი ჩვენი ძირითადი პარტნიორები არიან… ამჟამად ჩვენ ვაღრმავებთ ეკონომიკურ და პოლიტიკურ ურთიერთობებს ბრიუსელსა და ვაშინგტონთან”, – თქვა მან.

არარატ მირზოიანმა ტელეარხთან ასევე ისაუბრა NATO-ზეც. თქვა, რომ სომხეთის დღის წესრიგში ამ ეტაპზე ევროატლანტიკურ ალიანსში გაწევრების საკითხი არ დგას.

„ჩვენ უკვე ვთანამშრომლობთ NATO-სთან – მონაწილეობას ვიღებთ სამშვიდობო ოპერაციებში. ვიყავით ავღანეთში, გავზარდეთ ჩვენი სამშვიდობოების რაოდენობა კოსოვოში. გვაქვს თანამშრომლობის ფორმატი. თუ კანდიდატობაზე ან NATO-ში გაწევრების მისწრაფებაზეა საუბარი, არა, ეს საკითხი ამჟამად სომხეთის დღის წესრიგში არ დგას“, – განაცხადა მირზოიანმა.

მირზოაინის თქმით, სომეხ ხალხს ევროპული მისწაფებები აქვს.