„ფორმულას“ ერთ-ერთ დამფუძნებელსა და წამყვანზე, მიშა მშვილდაძეზე თავდასხმის ბრალდებით ერთი პირი დააკავეს – ინფორმაცია „პუბლიკას“ შსს-მ დაუდასტურა.
სამინისტროში არ აკონკრეტებენ, თუმცა „პუბლიკის“ ინფორმაციით, დაკავებულია ნიკოლოზ გუგეშაშვილი, რომელიც სოციალურ ქსელში ამტკიცებდა, რომ მიშა მშვილდაძეს მან სცემა.
უწყების ცნობით, გამოძიება დაწყებულია სისხლის სამართლის კოდექსის 126-ე მუხლით, რაც ძალადობას გულისხმობს.
მიშა მშვილდაძეს 27 ივნისს დაესხნენ თავს.
