საქართველოს პრეზიდენტი სალომე ზურაბიშვილი უკრაინის პრეზიდენტის ვოლოდიმირ ზელენსკის ევროპულ საბჭოში სიტყვით გამოსვლას Twitter-ზე ეხმაურება.
„ვაფასებ პრეზიდენტის მიერ ევროპის მომავლის შეფასებას, რომელიც აუცილებლად მოიცავს დამოუკიდებელ უკრაინას, საქართველოსა და მოლდოვას“, – წერს ის.
უკრაინის პრეზიდენტმა 9 თებერვალს ევროპარლამენტარებისთვის სიტყვით მიმართვისას ხაზი გაუსვა, რომ ევროპა უკრაინის გვერდითაა და ასე იქნება, სანამ უკრაინა არ გაიმარჯვებს, რადგან ეს ევროპის გამარჯვებასაც ნიშნავს, მისი თქმით, უკრაინა ახლა თავს იცავს თანამედროვე მსოფლიოს ყველაზე ანტიევროპული ძალისგან.
We support President @ZelenskyyUa’s address to the European Council #EUCO
I appreciate the President’s assessment of the future of Europe, which indispensably includes an independent Ukraine, Georgia, and Moldova.
— Salome Zourabichvili (@Zourabichvili_S) February 10, 2023
