საქართველოს ყოფილი პრემიერი, პარტია „საქართველოსთვის“ ლიდერი და მერობის კანდიდატი – გიორგი გახარია Facebook-გვერდზე განცხადებას ავრცელებს, სადაც ტელეკომპანია „იმედს“ პირდაპირი ეთერის მოითხოვნით მიმართავს.
„მივმართავ ტელეკომპანია „იმედს“, თქვენს ტელევიზიას ჯერ „ნაციონალური მოძრაობა“ აიძულებდა და ახლა ორგანიზაცია „ოცნება“ გაიძულებთ „მოდელირებული ქრონიკებით“, ცალმხრივი ინფორმაციით ასაზრდოოთ საკუთარი მაყურებელი!
ერთია, რომ არ აშუქებთ ჩვენს აქტივობებს, არცერთ ჩვენს ღონისძიებას, და საკუთარ მაყურებელს უმალავთ რეალობას, მეორე კი, რომ ყველას იწვევთ ეთერში, ყველას ალაპარაკებთ ჩვენზე, ალანძღვინებთ ჩვენს თავს, ჩვენ კი, პასუხის საშუალებასაც არ გვაძლევთ! ამიტომ, კიდევ ერთხელ მოგმართავთ, არათუ მზად ვარ, არამედ, მოვითხოვ, თქვენს არხზე ნებისმიერ გადაცემაში პირდაპირ ეთერს!“, – წერს გახარია ოფიციალურ Facebook-გვერდზე.
