საქართველოს მთავრობამ საქართველოს საპატრიარქოს მიწის სამი ნაკვეთი გადასცა.
როგორც პრემიერ-მინისტრ ირაკლი კობახიძის 13 სექტემბრით დათარიღებულ განკარგულებებში წერია, საპატრიარქო აქედან ორ ნაკვეთს 1 ლარად პირდაპირი მიყიდვის ფორმით მიიღებს, ხოლო ერთს უსასყიდლოდ – 99 წლით.
განკარგულებების მიხედვით, საპატრიარქოს გადაეცა:
- მცხეთის მუნიციპალიტეტში, სოფელ კევლიანში მდებარე 5670კვ/მ არასასოფლო სამეურნეო დანიშნულების მიწის ნაკვეთი – 1 ლარად;
- თბილისში, ლეო და ნოდარ გაბუნიების ქ. N41ა-ში მდებარე 1004კვ/მ არასასოფლო-სამეურნეო დანიშნულების მიწის ნაკვეთი და მასზე მდგომი შენობა-ნაგებობები: N1, N2, N3 – 1 ლარად;
- გორის მუნიციპალიტეტში, სოფელ ყელქცეულში მდებარე 215389კმ/მ სასოფლო-სამეურნეო (სახნავი) დანიშნულების მიწის ნაკვეთი – უსასყიდლო უზუფრუქტის უფლებით, 99 წლის ვადით;
