„ქართული ოცნების“ მთავრობამ დაამტკიცა „გრანტის მართვის სააგენტოს“ ბიუჯეტი და საშტატო ნუსხა.
განკარგულებით, სააგენტოს თავმჯდომარის ხელფასი თვეში 10 585 ლარი იქნება; მოადგილის – 8 760 ლარი, ხოლო დეპარტამენტის უფროსის – 7 300 ლარი.
მიმდინარე წელს სააგენტოს ბიუჯეტი (8 თვე) 510 200 ლარია. აქედან თითქმის ნახევარი – 253 200 ლარი – არის შრომის ანაზღაურება.
არასამთავრობო ორგანიზაციების ბიუჯეტიდან დაფინანსების სააგენტოს თამარ ზოდელავა ხელმძღვანელობს.
თამარ ზოდელავა GIZ-ის [გერმანიის საერთაშორისო თანამშრომლობის საზოგადოება] საპარლამენტო პროექტების მენეჯერი იყო. GIZ-ში წლების განმავლობაში მუშაობდა შალვა პაპუაშვილი. ის 2017 – 2020 წლებში GIZ-ის საქართველოს გუნდის ხელმძღვანელი იყო.
სააგენტო 15 აპრილს შეიქმნა და 2025 წლის სახელმწიფო ბიუჯეტიდან 20 მილიონი ლარი უნდა დაიხარჯოს.
