ოცნება - 38%, ენმ - 15%, ევროპული საქართველო - 6%, გადაუწყვეტელი - 23% - Edison Research

Edison research  პოლიტიკური პარტიების მხარდაჭერის შესახებ ჩატარებული გამოკითხვის შედეგები გამოაქვეყნა. საზოგადოებრივი აზრის გამოკითხვა კომპანიამ ტელეკომპანია “ფორმულას” დაკვეთით ჩაატარა.

კითხვაზე, ვის მისცემდნენ ხმას, საპარლამენტო არჩევნები რომ დღეს ჩატარდეს, პასუხები შემდეგნაირად ნაწილდება:

• ქართული ოცნება – 38%

• ერთიანი ნაციონალური მოძრაობა – გაერთიანებული ოპოზიცია – 15%
  

• ევროპული საქართველო – 6%

• 23% ამბობს, რომ არ გადაუწყვეტია, ვის მისცემდა ხმას

• გიორგი ვაშაძე – სტრატეგია აღმაშენებელი – 4%

• ლეიბორისტული პარტია – 3%

• ლელო – 3%

• პატრიოტთა ალიანსი – 3%

• გირჩი – 3%

• მოქალაქეები (ალეკო ელისაშვილი) – 1%

• დემოკრატიული მოძრაობა – ერთიანი საქართველო – 1%

1%-ზე ნაკლებია შემდეგი პარტიების მაჩვენებელი: გამარჯვებული საქართველო (ირაკლი ოქრუაშვილი), სამართლიანობისთვის (ეკა ბესელია), თავისუფალი საქართველო (კახა კუკავა).

საზოგადოებრივი აზრის გამოკითხვა ტელეკომპანია “ფორმულას” დაკვეთით კომპანიამ Edison Research ჩაატარა.

კვლევა 25 აგვისტო – 7 სექტემბრის პერიოდში, პირისპირ გამოკითხვის მეთოდით ჩატარდა. კვლევის ფარგლებში ქვეყნის მასშტაბით (გარდა ოკუპირებული ტერიტორიებისა) შემთხვევითი შერჩევის მეთოდით გამოიკითხა საქართველოში მცხოვრები საარჩევნო უფლების მქონე 18 წლისა და მეტი ასაკის 2850 ადამიანი. შედეგების ცდომილება + – 2.0%-ია.

Edison research 16 ივლისს, არჩევნებამდე 4 თვით ადრე გამოაქვეყნა პოლიტიკური პარტიების მხარდაჭერის შესახებ ჩატარებული გამოკითხვის შედეგები. მაშინ კვლევა 23 ივნისიდან 13 ივლისამდე პერიოდში ჩაატარა.

16 ივლის გამოქვეყნებული შედეგების მიხედვით, კითხვაზე, დღეს რომ საპარლამენტო არჩევნები ჩატარდეს, ვის მისცემდით ხმას, შედეგები ასეთი იყო.

• ქართული ოცნება – 39%

• გადაუწყვეტელი – 20%

• ერთიანი ნაციონალური მოძრაობა – გაერთიანებული ოპოზიცია – 16%

• ევროპული საქართველო – თავისუფალი დემოკრატები – 5%

  

  ასევე იხილეთ

  ქართული ოცნება – 39 % ; დანარჩენი ოპოზიცია – 41% ; გადაუწყვეტელი – 20% – Edison Research

  16 ივლისი, 2020