პარტია „ქართული ოცნების“ თავმჯდომარემ, ირაკლი კობახიძემ პარტიის ოფისში გამართულ ბრიფინგზე განაცხადა, რომ „რადიკალური ოპოზიცია“ აწარმოებს აგიტაციას ევროკავშირში საქართველოს კანდიდატობის წინააღმდეგ.
„ჩვენ გვაქვს კონკრეტული ინფორმაცია, რომ კონკრეტული პოლიტიკოსები რადიკალური ოპოზიციიდან დადიან დერეფნებში, კაბინეტებში და აწარმოებენ აგიტაციას ევროკავშირში საქართველოს კანდიდატობის წინააღმდეგ.
ეს არის მოცემული ფაქტი, რაც არ არის ახალი, რადგან გვახსოვს იგივე მოვლენა ვიზალიბერალიზაციასთან დაკავშირებით, მაგრამ მაშინ არ იყო წარმატებული ეს აგიტაცია და იმედი მაქვს, არც ამ შემთხვევაში იქნება წარმატებული.
ამიტომ თქვენ იცით, რამდენი შედიან ეს კონკრეტული პოლიტიკოსები კაბინეტებში, იმდენი იქიდან გამოდის კონკრეტული მესიჯები”, – განაცხადა ირაკლი კობახიძემ.
ამის შესახებ საქართველოს პრემიერ-მინისტრმა, ირაკლი ღარიბაშვილმა რამდენიმე დღის წინ ჟურნალისტებთან ისაუბრა და განაცხადა, რომ ოპოზიცია უშლის ხელს საქართველოს EU-ში წევრობის კანდიდატობას.
