18 ნოემბერი, 2019 წელი. თბილისი, პარლამენტის შენობის მიმდებარე ტერიტორია. საკანონმდებლო ორგანოს პიკეტირების მეორე დღეს სპეცრაზმმა აქციის მონაწილეების დაშლა დაიწყო. მათ წინააღმდეგ გამოიყენეს წყლის ჭავლი.
მოქალაქეებისა და სხვადასხვა პოლიტიკური პარტიის პროტესტი პროპორციული საარჩევნო სისტემის შესახებ კონსტიტუციური კანონპროექტის ჩაგდებას მოჰყვა.
ბოლო რამდენიმე დღის განმავლობაში პარლამენტის წინ შეკრებილი მოქალაქეები ვადამდელ პროპორციულ არჩევნებს, მთავრობის გადადგომასა და დროებითი მთავრობის მიერ არჩევნების გამართვას მოითხოვდნენ.
