„თავისუფლება ზაზა გახელაძეს“ – დღეს ამ სლოგანით კასპის მუნიციპალიტეტის სოფელ ქვემო ჭალაში ზაზა გახელაძის ოჯახის წევრებმა და სამოქალაქო აქტივისტებმა აქცია გამართეს.
თავდაპირველად, ზაზა გახელაძის მამა, აქციის მსვლელობისას, ოკუპირებულ ცხინვალში გადასვლას გეგმავდა, თუმცა, მისი თქმით, პატრიარქის თხოვნა გაითვალისწინა და გადაწყვეტილება შეცვალა.
ამიტომ, მსვლელობა სოფელში დაიწყო და სამთავისის ეკლესიასთან დასრულდა. „დღეს ზაზა 34 წლის გახდა. მინდა, ჩემმა შვილმა დაინახოს, რომ სოფელი, ხალხი, სამეგობრო და სანათესავო მის გვერდზეა“, – თქვა მიხეილ გახელაძემ.
„პუბლიკის“ ფოტორეპორტაჟი დღევანდელი მსვლელობიდან.
