„ქართული ოცნების“ პარლამენტმა პირადობის მოწმობისა და პასპორტის გაცემის წესის შესახებ კანონში ცვლილებებს პირველი მოსმენით დაუჭირა მხარი.
კანონპროექტის მიხედვით, პირადობის (ბინადრობის) მოწმობაზე დაიტანენ:
- მოწმობის წვდომის კოდს (CAN – Card Access Number) რომელიც გამოიყენება უკონტაქტო მიკროსქემიდან მონაცემთა ამოკითხვისათვის;
- QR კოდს, რომლის მეშვეობით პირს შეუძლია, გადაამოწმოს ინფორმაცია დოკუმენტის ან მისი მფლობელის შესახებ (შეზღუდული შესაძლებლობის მქონე პირის სტატუსი სტუდენტის სტატუსი, მოქმედია თუ არა დოკუმენტი და სხვ.) მფლობელის თანხმობით;
- თითის ანაბეჭდს;
- პასპორტის რეკვიზიტებს ემატება პასპორტის წვდომის კოდი(CAN – Card Access Number).
- შესაძლებელი იქნება, პირადობის მოწმობის, პასპორტის შეცვლა, თუ დოკუმენტის მოქმედების ვადის ამოწურვამდე დარჩენილი იქნება 6 თვეზე ნაკლები.
კანონპროექტი დაჩქარებული წესით განიხილება. მისი ძირითადინაწილი, რომელიც პირადობის (ბინადრობის) დამადასტურებელი დოკუმენტების რეკვიზირტებსა და ტექნიკურ მახასიათებლებს ეხება, 1 იანვრიდან ამოქმედდება.
