გამომცემლობა ინტელექტის ცნობით, პოეტ ზვიად რატიანს ავსტრიული ლიტერატურის პოპულარიზაციის საქმეში შეტანილი წვლილისთვის, ავსტრიის ფედერალური მთავრობის 2023 წლის სახელმწიფო მთარგმნელობითი პრემია გადაცა.
გამომცემლობაში ამბობენ, რომ ეს პრემია განსაკუთრებით რაინერ მარია რილკეს „დუინური ელეგიების“ ქართულ ენაზე თარგმნისთვის გადაეცა.
რაინერ მარია რილკეს „დუინური ელეგიები“ და რილკეს სხვა ლექსები ზვიად რატიანის თარგმანით 2022 წელს გამოსცა გამომცემლობა „ინტელექტმა“.
პოეტი ზვიად რატიანი თარგმნის ინგლისურ და გერმანულენოვან პოეზიას. მისი ლექსები კი ქართულიდან ნათარგმნია ინგლისურ, გერმანულ, ფრანგულ, რუსულ, აზერბაიჯანულ, უკრაინულ და სხვა ენებზე.
