საქართველოს პრეზიდენტის ადმინისტრაციის განცხადებით, საქართველოს პრეზიდენტი ელჩების კონფერენციაზე არ მიუწვევიათ.
„26-28 დეკემბერს დაგეგმილ ელჩების კონფერენციაზე დასასწრებად საქართველოს პრეზიდენტს მოწვევა არ მიუღია“, – ნათქვამია ადმინისტრაციის განცხადებაში.
საგარეო საქმეთა მინისტრმა ილია დარჩიაშვილმა განაცხადა, რომ წლევანდელი კონფერენციის ფორმატი პრეზიდენტის მოწვევას არ ითვალისწინებდა. მისი თქმით, კონფერენციის თემა ევროინტეგრაცია იყო, ამ მიმართულებით კი მთავრობა და პარლამენტი მუშაობდნენ. მისივე თქმით, პრეზიდენტი შარშან მიიწვიეს, თუმცა ის ღონისძიებას არ დაესწრო.
2022 წელს პრეზიდენტის ადმინისტრაციამ განმარტა, რომ არდასწრების მიზეზი პროტოკოლის დარღვევა იყო. პრეზიდენტის სკამი პროტოკოლით განსაზღვრულ შესაბამის ადგილას არ მოათავსეს.
