აშშ-ის სახელმწიფო მდივანმა, მაიკლ პომპეომ საქართველოში გამართული შეხვედრები Twitter-ზე შეაჯამა.
„მე მქონდა პროდუქტიული საუბრები ჩემს კოლეგებთან და დარწმუნებული ვარ, რომ ჩვენი ძლიერი, დინამიკური ორმხრივი ურთიერთობა მტკიცედაა დამყარებული ჩვენს საერთო ღირებულებებსა და საქართველოს ტერიტორიული მთლიანობისადმი ერთგულებაზე,“ – წერს მაიკ პომპეო.
Wheels up from Georgia! I had productive conversations with my counterparts, and am confident that our strong, dynamic bilateral relationship is firmly grounded in our shared values and commitment to Georgia’s territorial integrity. pic.twitter.com/utv1S4aN5t
— Secretary Pompeo (@SecPompeo) November 18, 2020
ამერიკის სახელმწიფო მდივანი მაიკლ პომპეო საქართველოში გუშინ ჩამოვიდა. დღეს ის შეხვდა საქართველოს პრეზიდენტ სალომე ზურაბიშვილს, პრემიერ-მინისტრ გიორგი გახარიას, პატრიარქს, ილია II-ს და არასამთავრობო ორგანიზაციების წარმომადგენლებს. მაიკლ პომპეოს ვიზიტთან დაკაშირებით ოპოზიციური პარტიების ლიდერებმა და მხარდამჭერებმა საინფორმაციო, მდუმარე აქცია გამართეს პლაკატებით ხელში, წარწერებით – არჩევნები გაყალბებულია.
პომპეოს ვიზიტის ფარლგლებში დაგეგმილი არ ყოფილა ოპოზიციასთან შეხვედრა; მისი თვითმფრინავის გაფრენის შემდეგ ცნობილი გახდა, რომ პომპეოს თანაშემწე, ფილიპ რიკერი ოპოზიციის ლიდერებს შეხვდებოდა.
