ვლადიმერ პუტინმა აშშ-ში რუსეთის ახალ ელჩად ალექსანდრ დარჩიევი დანიშნა.
ინფორმაციას რუსული მედია ავრცელებს.
რუსეთის საგარეო საქმეთა სამინისტრომ გასულ კვირას თქვა, რომ ვაშინგტონი თურქეთში რუსეთისა და აშშ-ის ოფიციალური პირების შეხვედრაზე დარჩიევის დანიშვნაზე დათანხმდა.
დარჩიევი 2014 წლიდან 2021 წლამდე იყო რუსეთის ელჩი კანადაში. ის ასევე რუსეთის საგარეო საქმეთა სამინისტროს ჩრდილოეთ ამერიკის დეპარტამენტის ხელმძღვანელად მუშაობდა.
რუსეთს აშშ-ში ელჩი აღარ ჰყავდა გასული წლის ოქტომბრის შემდეგ, რაც წინა ელჩმა, ანატოლი ანტონოვმა თანამდებობა დატოვა.
