მოსალოდნელი ქარიშხლის გამო დორტმუნდში თურქეთი-საქართველოს მატჩის წინ საგულშემატკივრო ზონები დაიხურა. ინფორმაცია ამის შესახებ ადგილობრივმა ხელისუფლებამ გაავრცელა და აღნიშნა, რომ ზონები დაიხურება დორტმუნდის ცენტრსა და ქალაქის პარკში.
ქარიშხლის გაფრთხილების შესახებ ინფორმაცია გერმანიის მეტეოროლოგიურმა სამსახურმა გაავრცელა – მათი ცნობით, ამინდის გაუარესება მოსალოდნელია დასავლეთ და ცენტრალურ გერმანიაში. ინფორმაციის შემდეგ, საგულშემატკივრო ზონები დაიხურა სხვა ქალაქებშიც.
ადგილობრივი ხელისუფლება გულშემატკივრებს სახლებში დარჩენისკენ მოუწოდებს.
ევროპის ჩემპიონატის ჯგუფურ ეტაპზე, თურქეთი-საქართველოს შეხვედრა დორტმუნდში თბილისის დროით 20:00 საათზე დაიწყება.
