ქეთევან ციხელაშვილი ავსტრიაში ელჩის თანამდებობიდან გათავისუფლდა. განკარგულებას ხელი პრემიერ-მინისტრმა მოაწერა.
დოკუმენტის თანახმად, პრემიერ-მინისტრმა მოიწონა პრეზიდენტის განკარგულება ციხელაშვილის პოსტიდან გათავისუფლების შესახებ.
საგარეო საქმეთა სამინისტროში ამბობენ, რომ ქეთევან ციხელაშვილს როტაციის ვადა ამოეწურა. როტაციის წესით სამუშაო მივლინების თითოეული ვადა დიპლომატიური წარმომადგენლობის ხელმძღვანელისათვის 4 წელია.
ქეთევან ციხელაშვილი ავსტრიაში ელჩად 2020 წელს დაინიშნა. იქამდე მას შერიგებისა და სამოქალაქო თანასწორობის საკითხებში სახელმწიფო მინისტრის პოსტი ეკავა.
ჯერჯერობით, უცნობია, ვინ იქნება ავსტრიაში საქართველოს ახალი ელჩი.
