დაავადებათა კონტროლის ეროვნული ცენტრის დირექტორმა, ამირან გამყრელიძემ კორონავირუსით ინფიცირებულების ასაკობრივ განაწილებაზე ისაუბრა. მისი თქმით, კორონავირუსით ინფიცირების ყველაზე დიდი რაოდენობა 30-დან 59 წლამდე ასაკზე მოდის.
ამირან გამყრელიძის თქმით, ინფიცირებულების ასაკობრივი განაწილება ასეთია:
- 0-დან 1 წლამდე – 1%, 438 ბავშვი;
- 2-დან 18 წლამდე –13%, 4 058 ადამიანი;
- 19-დან 29 წლამდე – 16%, 5000;
- 30-დან 59 წლამდე – 50% 16 174 ინფიცირებული;
- 60-დან 79 წლამდე – 18%;
- 80 წელს ზემოთ – 22%;
რაც შეეხება კორონავირუსით გარდაცვლილთა ასაკობრივ განაწილებას, ამირან გამყრელიძის თქმით, გარდაცვლილების 15% 60 წელს ქვემოთაა, 30% 60-დან 70 წლისაა, ხოლო ყველაზე მეტი – 53.4% 70 წელს ზემოთ მყოფი პაციენტები იყვნენ.
დღეს საქართველოში კორონავირუსის 1824 ახალი შემთხვევა დადასტურდა, გარდაიცვალა 23 ადამიანი.
