თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის ინფორმაციით, კორონავირუსის ახალი შემთხვევები რეგიონებში შემდეგნაირად ნაწილდება:
- აჭარა – 241;
- იმერეთი – 98;
- თბილისი – 62;
- სამეგრელო-ზემო სვანეთი -15;
- სამცხე-ჯავახეთი – 9;
- გურია – 7;
- შიდა ქართლი – 7;
- კახეთი – 2;
- იმპორტირებული – 6.
„ქვეყანაში სულ რეგისტრირებულია 6640 კოვიდინფიცირებული. მათგან 52% გამოჯანმრთელებულია. პაციენტების აქტიური ქეისია 3155 ამჟამად, აქედან 35 არის კრიტიკულად მძიმე, მათ შორის 33 იმყოფება მართვით სუნთქვაზე, 9 გახლავთ ოკუპირებული აფხაზეთიდან გადმოყვანილი“, – განაცხადა ენდელაძემ.
მარინა ენდელაძის შეფასებით, კორონავირუსის შემთხვევების მატება ტესტირების ზრდამ განაპირობა. ენდელაძე ვარაუდობს, რომ აქტიური ტესტირების შედეგად, ნელ-ნელა ინფიცირებულთა რაოდენობა დაიკლებს.
„უკვე ვნახეთ, რომ ტემპერატურაზე ვირუსი მაინცდამიანც არ რეაგირებს. ზამთარი მეტად გასაფრთხილებელია, დახურულ სივრცეში ვართ უმეტესად, არ იქნება განიავება და ა.შ.“, – განაცხადა მარინა ენდელაძემ.
