რუსეთს, ოკუპირებულ ცხინვალში, შესაძლოა მიწის ნაკვეთი გადაეცეს სამხედრო ბაზისთვის.
რუსეთის მთავრობა დათანხმდა, დაიწყოს მოლაპარაკებები რუსეთის თავდაცვის სამინისტროსა და ე.წ. სამხრეთ ოსეთის სამხედრო დეპარტამენტს შორის „მიწის ნაკვეთის ერთობლივი რუსული სამხედრო ბაზის საკუთრებაში გადაცემის საკითხზე“.
ბრძანებას ხელს რუსეთის პრემიერი, მიხეილ მიშუსტინი აწერს.
„2024 წლის 1 ოქტომბრის განკარგულება № 2718:
„რუსეთის ფედერაციის საერთაშორისო მოლაპარაკებების შესახებ“ მე-11 ფედერალური კანონის მე-3 მუხლის შესაბამისად, მიიღოს რუსეთის თავდაცვის სამინისტროს წინადადება, რომელიც შეთანხმებულია რუსეთის საგარეო საქმეთა სამინისტროსთან, მოლაპარაკებების გამართვის შესახებ, რომელიც შეეხება ოქმის ხელმოწერას რუსეთის ფედერაციის თავდაცვის სამინისტროსა და სამხრეთ ოსეთის თავდაცვის სამინისტროს შორის სამხრეთ ოსეთი ტერიტორიაზე რუსეთის გაერთიანებული საომარი ბაზისთვის მიწის ნაკვეთის გადაცემის შესახებ“, – წერია დოკუმენტში.
რუსული მედია წერს, რომ ეს იქნება მე-4 სამხედრო ბაზა ოკუპირებულ ცხინვალის რეგიონში.
