უკრაინაში რუსეთის სრულმასშტაბიანი შეჭრიდან სამი წელი გავიდა. დასავლელი ლიდერები დღეს კიევში ჩადიან, რათა უკრაინელი ხალხის მიმართ მხარდაჭერა და სოლიდარობა გამოხატონ.
კიევში არიან ევროკომისიის პრეზიდენტი ურსულა ფონ დერ ლაიენი და ევროპული საბჭოს პრეზიდენტი ანტონიო კოშტა. ისინი ვოლოდიმირ ზელენსკის შეხვდებიან და „განიხილავენ უკრაინის, როგორც თავისუფალი, სუვერენული და ევროპული ერის მომავალს“.
„რუსეთის სასტიკი შეჭრიდან მე-3 წლისთავზე ევროპა კიევშია. ჩვენ დღეს კიევში ვართ, რადგან უკრაინა ევროპაა. გადარჩენისთვის ბრძოლაში მხოლოდ უკრაინის ბედი არ არის სასწორზე. ეს არის ევროპის ბედი“, — თქვა ურსულა ფონ დერ ლეიენმა.
On the 3rd anniversary of Russia’s brutal invasion, Europe is in Kyiv.
We are in Kyiv today, because Ukraine is Europe.
In this fight for survival, it is not only the destiny of Ukraine that is at stake.
It’s Europe’s destiny. pic.twitter.com/s0IaC5WYh6
— Ursula von der Leyen (@vonderleyen) February 24, 2025
კიევში ასევე ჩავიდნენ ლატვიის პრეზიდენტი ედგარს რინკევიჩსი, ლიეტუვის პრეზიდენტი გიტანას ნაუსედა და ესპანეთის პრემიერ-მინისტრი პედრო სანჩეზი.
„სამი წლის წინ კიევში ვიყავი, როგორც ლატვიის საგარეო საქმეთა მინისტრი, როდესაც რუსეთმა დაიწყო სრულმასშტაბიანი არაპროვოცირებული შეტევა უკრაინის წინააღმდეგ. მე დავბრუნდი, როგორც ლატვიის პრეზიდენტი, რათა გამოვხატო მხარდაჭერა და აღფრთოვანება მამაცი უკრაინელი ხალხის მიმართ. განვიხილავთ აქტუალურ საკითხებს და წინსვლას“, — თქვა ლატვიის პრეზიდენტმა.
Three years ago as Foreign Minister of Latvia I was in Kyiv when Russia began its full scale unprovoked attack against Ukraine.
I am back as President of Latvia to express support and admiration to the brave Ukrainian people. We’ll discuss current issues and way forward
. pic.twitter.com/U1T7OyZfaN
— Edgars Rinkēvičs (@edgarsrinkevics) February 24, 2025
ასევე, ლიეტუვის პრეზიდენტი გიტანას ნაუსედა აცხადებს, რომ მოხარული და ამაყია იმით, რომ ლიეტუვა უკრაინას წლების განმავლობაში უჭერდა მხარს და ასეც გააგრძელებს.
I have just arrived in Kyiv.
Exactly three years have passed since the start of Russia’s brutal full-scale military invasion. Ukraine and its people have endured countless hardships but remain proud and unbreakable.
I am glad and proud that Lithuania has supported Ukraine in… pic.twitter.com/NCFJ8QI9Zl
— Gitanas Nausėda (@GitanasNauseda) February 24, 2025
კიევში არიან სხვა ლიდერებიც, მათ შორის, ჯასტინ ტრუდო, ფინეთის პრეზიდენტი, ასევე, დანიის, ესტონეთის, ნორვეგიისა და შვედეთის პრემიერ-მინისტრები.
3 წლის წინ, 2022 წლის 24 თებერვალს რუსეთი უკრაინაში შეიჭრა და სრულმასშტაბიანი ომი დაიწყო. რუსეთის ომს უკრაინაში წინ უძღოდა რუსეთის პრეზიდენტის, ვლადიმერ პუტინის მიერ დონეცკისა და ლუგანსკის ე.წ. სახალხო რესპუბლიკების დამოუკიდებლობის აღიარება.
ზელენსკის თქმით, ბრძოლის ველზე 46000-ზე მეტი უკრაინელი ჯარისკაცი დაიღუპა, დაშავდა 390 000-ზე მეტი, ლტოლვილად იქცა 4 მილიონამდე უკრაინელი მოქალაქე.
უკრაინის შეიარაღებული ჯარების ინფორმაციით, დაღუპული რუსი ჯარისკაცების რიცხვი 850000-ს აღემატება.
გაეროს მონაცემებით, ომს ემსხვერპლა 12000-ზე მეტი მშვიდობიანი უკრაინელი მოქალაქე.
არ არის ცნობილი რუსეთის მიერ ოკუპირებულ ტერიტორიებზე დაღუპული მშვიდობიანი მოქალაქეების მონაცამთა ნაწილი, რადგან გაერო ვერ ახერხებს ამ ტერიტორიებზე შესვლას და ინფორმაციის მოძიებას.
Human Rights Watch-ის შეფასებით, რომელიც მასობრივი საფლავების სატელიტურ სურათებს ეყრდნობა, მარიუპოლში დაიღუპა, სულ მცირე, 8000 მშვიდობიანი მოქალაქე, თუმცა ორგანიზაცია აღნიშნავს, რომ რეალური მაჩვენებელი, სავარაუდოდ, მნიშვნელოვნად მეტია.
