CNN გამოცემა „რია ნოვოსტიზე“ დაყრდნობით წერს, რომ რუსეთმა დაბლოკა გერმანული გაზეთის Bild-ის ვებ-გვერდზე წვდომა.
გადაწყვეტილების მიზეზი არ დასახელებულა.
გამოცემის ცნობით, ვებგვერდის შეზღუდვა გენერალური პროკურატურის მოთხოვნით მოხდა, რომელიც რუსეთის კომუნიკაციების მარეგულირებელმა, როსკომნადზორმა შეასრულა.
CNN-ისთვის გაგზავნილ განცხადებაში, გაზეთის მთავარი რედაქტორი იოჰან ბოი ვებ-გვერდზე წვდომის შეზღუდვის სავარაუდო მიზეზად გაზეთის მიერ რუსეთ-უკრაინის ომის ობიექტურად გაშუქებას ასახელებს.
„მათი გადაწყვეტილება გვაძლევს კიდევ უფრო მეტ მოტივაციას, რომ რუსეთის მოქალაქეებს მივცეთ კიდევ მეტი შესაძლებლობა, მოიძიონ ახალი ამბები და ფაქტები რუსული მთავრობის პროპაგანდის მიღმა.“
