უკრაინის ოფიციალური პირების ცნობით, რუსეთის შეიარაღებულმა ძალებმა დაბომბა ავტობუსი, რომელსაც ქალაქ მარჰანეციდან მუშები გადაჰყავდა.
დნეპროპეტროვსკის რეგიონული ხელმძღვანელის, სერჰი ლისაკის განცხადებით, დაშავდა, მინიმუმ, 30 ადამიანი და დაზარალებულთა რაოდენობა მუდმივად იზრდება.
მედიების ცნობით, შეტევა სწორედ იმ დროს მოხდა, როცა გაერთიანებული სამეფოს, საფრანგეთის, გერმანიის, აშშ-ისა და უკრაინის წარმომადგენლები ლონდონში იმ შეხვედრისთვის ემზადებოდნენ, რომლის მიზანიც ცეცხლის შეწყვეტის შეთანხმების მიღწევაა.
