რუსთაველის გამზირზე მიმდინარე აქციას, რომელზეც მოქალაქეები დღეს პარლამენტის მიერ პროპორციულ საარჩევნო სისტემაზე გადასვლის შესახებ კანონპროექტის ჩაგდებას აპროტესტებენ, სტუდენტები უერთდებიან.
„პუბლიკის“ კორესპონდენტის ცნობით, აქციას შეურთდნენ ილიას სახელმწიფო უნივერსიტეტის, საქართველოს უნივერსიტეტის, თსუ-ის სტუდენტების ნაწილი.
დღეს პარლამენტმა საკონსტიტუციო ცვლილებების პროექტი ჩააგდო. კენჭისყრის დაწყებამდე რეგისტრაცია 141-მა დეპუტატმა გაიარა – 101 მომხრე, 3 წინააღმდეგი, 37-მა დეპუტატმა რეგისტრაცია გაიარა, მაგრამ პოზიცია არ დააფიქსირა.
პარლამენტის შენობასთან კენჭისყრის პარალელურად მოძრაობა „სირცხვილიას“ აქცია მიმდინარეობდა.
