უკრაინის პრეზიდენტ ვლადიმირ ზელენსკისა და საქართველოს პრემიერ-მინისტრ ირაკლი ღარიბაშვილს შორის სატელეფონო საუბარი გამართა. ინფორმაცია უკრაინის პრეზიდენტის „ტვიტერზე“ გავრცელდა.
In a phone conversation with @GharibashviliGe, I stressed that the rights of ?? citizen @SaakashviliM must be fully guaranteed in accordance with international norms. Applied for admission of Mikheil Saakashvili’s mother, relatives, and Ukrainian doctors to him.
— Володимир Зеленський (@ZelenskyyUa) November 12, 2021
სატელეფონო საუბრისას ზელენსკიმ განაცხადა, რომ უკრაინის მოქალაქის მიხეილ სააკაშვილის უფლებები დაცული უნდა იყოს საერთაშორისო კანონმდებლობით გათვალისწინებული სტანდარტით.
პრეზიდენტმა ხაზი გაუსვა, რომ უკრაინის მოქალაქის მიმართ არაპროპორციული იძულების ზომების გამოყენება დაუშვებელია.
ზელენსკიმ მიხეილ სააკაშვილის ჯანმრთელობის მდგომარეობის გათვალისწინებით, უკრაინელი ექიმების ჩართვის შესაძლებლობის საკითხი დააყენა.
„უკრაინა ყოველთვის იცავს თავისი მოქალაქეების კანონიერ უფლებებსა და ინტერესებს”, – განაცხადა ვლადიმერ ზელენსკიმ.
