სამინისტროს საგანგებო სიტუაციების მართვის სამსახური განცხადებას ავრცელებს და ამბობს, რომ გუშინ, თბილისში, ჭავჭავაძის გამზირზე მდებარე შენობაში ხანძრის სალიკვიდაციო სამუშაოებისას კედელი გადმოინგრა, რასაც მეხანძრე ემსხვერპლა.
უწყება ამბობს, რომ დაიღუპა სამოქალაქო უსაფრთხოების ლეიტენანტი, 1982 წელს დაბადებული გიორგი ლელაშვილი.
„შინაგან საქმეთა სამინისტროს საგანგებო სიტუაციების მართვის სამსახური ღრმა მწუხარებას გამოთქვამს მეხანძრე-მაშველის, სამოქალაქო უსაფრთხოების ლეიტენანტის – 1982 წელს დაბადებული გიორგი ლელაშვილის გარდაცვალების გამო. გიორგი ლელაშვილი მიმდინარე წლის 21 დეკემბერს, თბილისში ი. ჭავჭავაძის გამზირზე მდებარე შენობაში გაჩენილი ხანძრის სალიკვიდაციო სამუშაოებს ასრულებდა, რა დროსაც გადმოინგრა კედელი, რასაც მეხანძრე-მაშველი ემსხვერპლა. საგანგებო სიტუაციების მართვის სამსახური ღრმა მწუხარებას გამოთქვამს მომხდარის გამო და სამძიმარს უცხადებს გარდაცვლილი მეხანძრე-მაშველის ოჯახს, ახლობლებსა და თანამშრომლებს“, – წერია განცხადებაში.
