დიდი ბრიტანეთის პარლამენტის საგარეო საქმეთა კომიტეტში, ხვალ, 1 აპრილს საქართველოს მეხუთე პრეზიდენტს, სალომე ზურაბიშვილს მოუსმენენ. ინფორმაციას გაერთიანებული სამეფოს პარლამენტის საგარეო საქმეთა კომიტეტი ავრცელებს.
მოსმენის თემაა რუსული დეზინფორმაცია და საფრთხე, რომელსაც იგი უქმნის დემოკრატიებს მთელს მსოფლიოში. სესიაზე ყურადღება გამახვილდება რუსეთის ჩარევაზე 2024 წლის ოქტომბრის საპარლამენტო არჩევნებში.
როგორც ცნობილია, მოსმენა 14:00 საათზე (თბილისის დროით 17:00 საათზე) დაიწყება და მასში სალომე ზურაბიშვილი მონაწილეობას ვირტუალურ ფორმატში მიიღებს.
