ამერიკის სახელმწიფო დეპარტამენტის პრესსპიკერი, ნედ პრაისი საქართველოში განვითარეულ მოვლენებს შეეხო და თქვა, რომ ყველა პოლიტიკურმა აქტორმა უნდა დაგმოს 5 და 6 ივლისს მომხდარი მოვლენები.
მან ლექსო ლაშქარავას ოჯახს მიუსამძიმრა და მწუხარება გამოთქვა მისი გარდაცვალების გამო.
მისი თქმით, საქართველოს პრემიერ-მინისტრის მომავალი ქართველი ხალხის გადასაწყვეტია. „ჩვენ გვაქვს რამდენიმე მექანიზმი მათ წინააღმდეგ, ვინც ადამიანის უფლებების დარღვევასა და ძალადობაზეა პასუხისმგებელი მსოფლიოში. სანქციები ნამდვილადაა ერთ-ერთი მექანიზმი, როგორც იცით, წინასწარ, შემოღებამდე არ ვსაუბრობთ სანქციებზე, მაგრამ ვითარებას თვალს ვადევნებთ დიდი ყურადღებით“. – თქვა მან.
მან საქართველოს მთავრობას მოუწოდა, გამოიძიონ ძალადობა და პასუხი აგოს ყველამ, ვინც ეს დანაშაული ჩაიდინა.
