საქართველოს საპატრიარქო განცხდებას ავრცელებს.
„გვინდა, შევახსენოთ ე.წ ,,მარშის” გასაპროტესტებლად შეკრებილ ადამიანებს, რომ ჩვენი დღევანდელი მსვლელობა და შეკრება უნდა იყოს მხოლოდ და მხოლოდ მშვიდობიანი და ლოცვისკენ მიმართული.
მიუხედავად იმისა, რომ ჩვენ ვეწინააღმდეგებით ცოდვას, რომელიც ცალსახად მიუღებელია ქრისტიანული სწვალებისათვის და ვაპროტესტებთ უზნეობის პროპაგანდას, ვლოცულობთ არა მარტო ჩვენს წიაღში მყოფი სულიერი შვილებისთვის, არამედ, უპირველესად, იმ ადამიანებისთვისაც, ვინც საპირისპირო აქციას გეგმავს.
ქრისტიანობა მშვიდობისა და ურთიერთსიყვარულისკენ მოგვიწოდებს. გთხოვთ ყველას, თავი შეიკავოთ ნებისმიერი აგრესიული და შეურაცხმყოფელი ქმედებისაგან, მათ შორის, ფიზიკური და სიტყვიერი დაპირისპირებისაგან, რათა ამ ყველაფერმა არ გამოიწვიოს რაიმე ესკალაცია და არ დაზარალდნენ ჩვენივე თანამემამულეები, მიუხედავად მათი განსხვავებული შეხედულებებისა და მრწამსისას, პროფესიისა და სოციალური მდგომარეობისა.
სამწუხაროდ, საინფორმაციო საშუალებებით ვცრელდება კადრები, რომ დღევანდელი შეკრების დროს მოხდა გარკვეული ძალადობრივი ინციდენტი ჟურნალისტების წინააღმდეგ, რაც, რა თქმა უნდა, ძალიან სამწუხარო, მიუღებელი და ყოვლად დაუშვებელია. ამიტომ ვითარების მაქსიმალურად მშვიდობიანად წარმართვისათვის კიდევ ერთხელ მოგიწოდებთ, პატივი ვცეთ ერთმანეთს, შევინარჩუნოთ სიმშვიდე და გავემიჯნოთ ყოველგვარ აგრესიულ ქმედებას.
უნდა გვახსოვდეს, რომ ერთი ადამიანის დაზარალებაც კი საფრთხეს უქნის არა მარტო მას, არამედ აზიანებს მთელ საზოგადოებას და ეწინააღმდეგება ქრისტიანულ სწავლებას”. – წერია საპატრიარქოს განცხადებაში.
როგორც „პუბლიკის“ რეპორტიორი ადგილიდან იუწყება, ძალადობრივი ჯგუფის წევრები ჟურნალისტებს თავს ესხმიან, აგინებენ, უზიანებენ ტექნიკას და ტერიტორიის დატოვებას აიძულებენ.
მათ გადამღებ ჯგუფზე თავდასხმას იუწყება „ტელეკომპანია პირველი“. ფოტოზე ასახულია საზოგადოებრივი მაუწყებლის „პირველი არხის“ ოპერატორი, რომელსაც ფიზიკური შეურაცყოფა მიაყენეს. ჟურნალისტურ საქმიანობაში ხელშეშლის შესახებ საუბრობს „ფორმულა“, რომელიც იუწყება, რომ მათ გადამღებ ჯგუფს სცემეს; „ტაბულა“, რომელიც აცხადებს, რომ მათ ჟურნალისტს თავში კეტი ჩაარტყეს, „რუსთავი 2“, „ნეტგაზეთი“, „on.ge“ „მთავარი არხი“.
დაშავებული მედიის წარმომადგენლების განახლებადი სია:
მარიამ ქუმსიშვილი – ჟურნალისტი
მარიკა გოცირიძე – ჟურნალისტი
გიორგი პერტია- ჟურნალისტი
სალომე ბოკუჩავა – ჟურნალისტი
შოთა სიკინჭალაშვილი – ოპერატორი
ზურა მანაგაძე – ოპერატორი
გიორგი კვიწინაძე – ოპერატორი
ბექა ათაბეგაშვილი – ოპერატორი. დამტვრეულია „რუსთავი 2-ის“ ორი კამერა;
ლუკა პერტაია „ნეტგაზეთი“ – მიაყენეს სიტყვიერი შეურაცხყოფა.
მაკო ჯაბუა – ჟურნალისტი
რუსუდან ჯაბანიშვილი – ჟურნალისტი
გურამ თოდაძე – ოპერატორი.
დაზიანებულია „ტვ პირველის“ ორი კამერა და ჩართვის აპარატი.
თამთა კახაბერიძე – on.ge ჟურნალისტი
ილია თვალიაშვილი – ოპერატორი
მირანდა ბაღათურია – ჟურნალისტი
ალექსანდრე ლაშქარავა – ოპერატორი
ლუკა ხაჩიძე – ჟურნალისტი
მედიის ჩამონათვალი განახლდება. „პუბლიკა“ ცდილობს ინფორმაციის მიღებას.
დღეს, 5 ივლისს Tbilisi Pride-ის ორგანიზებით ღირსების მარშის გამართვაა დაგეგმილი. მათ წინააღმდეგ რუსთაველის გამზირზე ჰომოფობიური, მოძალადე ჯგუფები არიან შეკრებილები. პრაიდის წინააღმდეგ არაერთი განცხადება გააკეთა საპატრიარქომაც.
“პუბლიკა” ემიჯნება ჰომოფობიურ განცხადებებს
