ინფექციური საავადმყოფოს კლინიკური ხელმძღვანელის, მარინა ეზუგბაიას განცხადებით, საქართველოში კორონავირუსით გამოჯანმრთელებულთა რაოდენობა 50 გახდა, მათგან 37 პაციენტი ინფექციურ საავადმყოფოში მკურნალობდა.
„ჩვენ დავამთავრეთ რაღაც ეტაპი პირველად შემოსული პაციენტების და ნელ-ნელა რამდენიმე დღეში გავაგრძელებთ იმ პაციენტების გამოჯანმრთელების პროცესის მონიტორინგს, რომელთაც გასდით ვადა, შესაბამისად, გამოვლენიდან 2 კვირის ვადით. იმის მიხედვით, როგორია პაციენტის კლინიკური მდგომარეობა, ვწყვეტთ, შესაძლებელია თუ არა, დადგეს მათი გამოჯანმრთელება და ამის მიხედვით ვწყვეტთ, გამოჯანმრთელდა თუ არა პაციენტი“, – განმარტა ეზუგბაიამ.
ამ დროის მონაცემებით, STOPCOV.GE-ზე ასახულია, რომ საქართველოში დაფიქსირებულია:
- კორონავირუსის დადასტურებული შემთხვევა – 208
- მათ შორის გამოჯანმრთელებული – 50
- გარდაცვლილი – 3
- კარანტინის რეჟიმში – 4682
- სტაციონარში მეთვალყურეობის ქვეშ – 375
