საქართველოში კორონავირუსით კიდევ 2 პაციენტი გარდაიცვალა, – მონაცემები stopcov.ge-ზე განახლდა. კორონავირუსის 471 ახალი შემთხვევა დაფიქსირდა. გამოჯანმრთელდა 278.
ორივე პაციენტი აჭარაში გარდაიცვალა. აჭარის ჯანდაცვის სამინისტროს ცნობით, ერთ-ერთი გარდაცვლილი 61 წლის ქალი იყო, ჰქონდა თანმხლები დაავადებები. მეორე კი 66 წლის კაცი იყო.
stopcov.ge-ზე განახლებული მონაცემები ასეთია:
- კორონავირუსის დადასტურებული შემთხვევა – 7 564;
- მათ შორის გამოჯანმრთელებული – 3 992;
- მათ შორის გარდაცვლილი – 48;
- კარანტინის რეჟიმში – 5 392;
- სტაციონარში მეთვალყურეობის ქვეშ – 836;
- კოვიდსასტუმროში მყოფი პირები – 1 100;
- *უცხოეთიდან სამკურნალოდ გადმოყვანილი საქართველოს მოქალაქეები – 41.
