Euronews-მა გამოაქვეყნა HR კომპანია Moorepay-ს კვლევა, რომელიც ეხება იმას, არის თუ არა სახელმწიფო პენსია საკმარისი ცხოვრების ხარჯების დასაფარად ევროპის ქვეყნებში.
ირკვევა, რომ ევროპის 39 ქვეყნიდან 20-ში პენსია ვერ ფარავს აუცილებელ ხარჯებს, საქართველო კი ამ სიის ბოლოშია – საქართველოს მაჩვენებელი ყველაზე დაბალია ევროპულ ქვეყნებს შორის – აქ პენსია აუცილებელი მინიმალური ხარჯების მხოლოდ 22%-ს მოიცავს.
კვლევაში არ არის გათვალისწინებული ბინის ქირა, ის ეხება კვებას, ტრანსპორტს, კომუნალურ გადასახადებს და ყოველდღიურ საჭიროებებს.
მონაცემები ასახავს ერთი ადამიანის ცხოვრების ხარჯებსა და ერთ პენსიას 2025 წლის ოქტომბრის ბოლოსთვის. Moorepay-მ შეაგროვა მონაცემები საშუალო პენსიების შესახებ, ხოლო ცხოვრების ხარჯების შესახებ ინფორმაცია Numbeo-ს ეყრდნობა და წარმოადგენს ეროვნულ საშუალო მაჩვენებელს.
Moorepay-ის კვლევის თანახმად, საუკეთესო მდგომარეობა ლუქსემბურგშია, სადაც ყოველთვიური პენსია დაახლოებით 2300 ევროა, რაც აუცილებელ საცხოვრებელ ხარჯებს 225%-ით აღემატება.
სად არის საუკეთესო მდგომარეობა?
სიაში მოცემულია, თუ რამდენი პროცენტით აღემატება პენსია მინიმალურ ხარჯებს:
- ლუქსემბურგი – 225%
- იტალია – 210%
- ფინეთი – 208%
- ესპანეთი – 199%
- დანია – 189%
- ისლანდია – 179%
- ნორვეგია – 178%
- გერმანია – 176%
- ბელგია – 170%
- ავსტრია – 165%
- საფრანგეთი – 160%
- ნიდერლანდები – 159%
- შვედეთი – 158%
- შვეიცარია – 131%
- ირლანდია – 126%
- დიდი ბრიტანეთი (UK) – 120%
- პოლონეთი – 112%
- ჩეხეთი – 108%
- საბერძნეთი – 103%
მძიმე მდგომარეობა აღმოსვლეთ ევროპაშია – მკაფიოა განსხვავება ჩრდილოეთ-დასავლეთ ევროპასთან.
ამ ქვეყნებში პენსია მინიმალური ხარჯებს ფარავს მხოლოდ ნაწილობრივ, შემდეგი პროცენტულობით:
- სლოვენია – 95%
- სლოვაკეთი – 94%
- ესტონეთი – 91%
- პორტუგალია – 90%
- მონტენეგრო – 89%
- ლიეტუვა – 85%
- ხორვატია – 82%
- უნგრეთი – 81%
- ბულგარეთი – 78%
- რუმინეთი – 73%
- სერბეთი – 68%
- ლატვია – 65%
- თურქეთი – 64%
- ჩრდილოეთ მაკედონია – 61%
- კვიპროსი – 58%
- ბოსნია და ჰერცეგოვინა – 53%
- მოლდოვა – 42%
- უკრაინა – 29%
- ალბანეთი – 29%
- საქართველო – 22%
