პარტია “გახარია საქართველოსთვის” მხარდამჭერებს 25 ნოემბერს პარლამენტთან შეკრებისკენ მოუწოდებს.
„ხვალ, 25 ნოემბერს, საქართველოს მე-11 მოწვევის პარლამენტის მხოლოდ ერთპარტიული შემადგენლობა შეიკრიბება, რომელსაც საზოგადოების უმრავლესობის მხარდაჭერა და ნდობა არ აქვს. ეს პარლამენტი ვერ გამოხატავს ქართველი ხალხის ნებას!
ხვალინდელ სხდომას ასევე არ დაესწრენიან დიპლომატიური კორპუსის წარმომადგენლები! ამ პარლამენტს არც საერთაშორისო აღიარება აქვს! ამიტომ, ხვალ ქართველი ხალხის მშვიდობიანი ხმა უნდა ისმოდეს საქართველოს პარლამენტთან და არა სხდომათა დარბაზში.
ქართველი ხალხის გაბრაზებული ხმა უნდა გავაგონოთ ყველას, ვინც ჩვენს მოქალაქეებს არჩევანი მოპარა და უნდა დავანახოთ ჩვენს საერთაშორისო მეგობრებს, თუ სად დგას ქართველი ხალხი და მათი ნება!
ამიტომ, მოვუწოდებთ ჩვენი პოლიტიკური ძალის მხარდამჭერებს, ხვალ საქართველოს პარლამენტთან გამოვხატოთ მშვიდობიანი პროტესტი და ჩვენი მშვიდობიანი ხმა გავაგონოთ ყველას!“,- ნათვქამია გავრცელებულ განცხადებაში.
ხვალ, 25 ნოემბერს პარლამენტში დაგეგმილი პირველი სხდომის პარალელურად პარლამენტთან საპროტეტსო აქცია დილის 9:00 საათზე არის დაანონსებული. იქამდე, დღეს 24 ნოემბერს ოპოზიციის მიერ დაგეგმილია 21 საათზე რესპუბლიკის მოედანზე შკრება და პროტეტსის პარლამენტთან გაგრზელება, სადაც გაიშლება კარვები და აქციის მონაწილეები ღამეს გაათევენ. აღნიშნული ანონსის შესახებ გუშინ, 23 ნოემბერს „ერთიანობა – ნაციონალური მოძრაობის“ ერთ-ერთმა ლიდერმა გიორგი ვაშაძემ განაცხადა.
