„ჩვენ, სავარაუდოდ, მხარს დავუჭერთ სატრანსპორტო გახსნებს, როგორც ეს დაპირებული იყო მოქალაქეებისთვის, რათა მათ ეფექტურად შეძლონ გადაადგილება სასწავლო პროცესში აქტიურად ჩასართავად“, – ამის შესახებ ჯანდაცვის მინისტრმა, ეკატერინე ტიკარაძემ განაცხადა.
„რუსთავი 2-ის“ ეთერში მან თქვა, რომ შრომის უსაფრთხოების დეპარტამენტი ხვალ წარმოადგენს საპრევენციო ზომებს სატრანსპორტო საშუალებებისთვის, გაზრდილი მობილობის შედეგად ინფექციის გავრცელების თავიდან ასაცილებლად.
მინისტრის პროგნოზით, მნიშვნელოვანია ტრანსპორტის მოძრაობის აღდგენა და ვირუსის გავრცელების პრევენციის ეფექტური ღონისძიებების გატარება, ქვეყანაში არსებული სოციალური ფონის გათვალისწინებით.
საკოორდინაციო საბჭოს გადაწყვეტილებით, საქართველოში მუნიციპალური ტრანსპორტის მოძრაობა აგვისტოში შეჩერდა. გათვალისწინებული იყო, რომ შეზღუდვა მოიხსნებოდა 4 სექტემბერს, თუმცა საბჭომ ამ რეგულაციის გახანგრძლივება 13 სექტემბრამდე გადაწყვიტა.
