აშშ-ის სენატის საგარეო ურთიერთობების კომიტეტის წევრი, სენატორი ჯიმ რიში „მთავარი არხის“ დამფუძნებლის, ნიკა გვარამიას დაპატიმრებას ეხმაურება და აცხადებს რომ, ის პოლიტიკურად მოტივირებული ბრალდებების საფუძველზე დააკავეს.
„ნიკა გვარამიას, ქართული მედიასაშუალების – „მთავარი არხის“ დირექტორს, პოლიტიკურად მოტივირებული ბრალდებებით 3 წლითა და 6 თვით თავისუფლების აღკვეთა მიესაჯა. პოლიტიკური ოპოზიციის გაჩუმება საქართველოს ძალიან შემაშფოთებელი მიმართულებით წაიყვანს. კანონის უზენაესობა და თავისუფალი პრესა აუცილებელია დემოკრატიისთვის“, – წერს ამერიკელი სენატორი.
#NikaGvaramia, director of Georgian media outlet @MtavariChannel, was sentenced to 3.5 years in prison on politically motivated charges. Silencing political opposition will send #Georgia in a very troubling direction. Rule of law & a free press is essential for #democracy. https://t.co/ma3VICC398
— Senate Foreign Relations Committee Ranking Member (@SenateForeign) May 16, 2022
ნიკა გვარამია მოსამართლემ, ლაშა ჩხიკვაძემ, დამნაშავედ ცნო საქართველოს სისხლის სამართლის კოდექსის 220-ე მუხლით გათვალისწინებული დანაშაულის ჩადენაში, რაც გულისხმობს უფლებამოსილების ბოროტად გამოყენებას და საბოლოო სასჯელის სახედ განუსაზღვრა თავისუფლების აღკვეთა 3 წლითა და 6 თვის ვადით.
