ევროპარლამენტის ვიცე-პრეზიდენტი, ჰეიდი ჰაუტალა Twitter-ზე ნამახვანჰესის წინააღმდეგ მიმართულ პროტესტს ეხმაურება:
„მოხარული ვარ ქართველი ხალხის ახლებური ტიპის მობილიზაციით ჩამორჩენილი და დესტრუქციული ეკონომიკური მოდელის წინააღმდეგ. შოკისმომგვრელია გამჭვირვალობისა და ანგარიშვალდებულების ნაკლებობა გასაიდუმლოებული კონტრაქტებით”, – წერს ჰეიდი ჰაუტალა.
I welcome this new kind of mobilization of people of #Georgia against a backward and destructive economic model. Lack of transparency and accountability with secret contracts is shocking. #Namakhvani https://t.co/Y2rNFbwpy8
— Heidi Hautala (@HeidiHautala) June 1, 2021
ნამახვანჰესის წინააღმდეგ მოძრაობის მოთხოვნებია:
- გაწყდეს 2019 წლის 25 აპრილის ხელშეკრულება საქართველოს მთავრობასა და კომპანია „ენკა“ შორის მდინარე რიონზე დაგეგმილი ნამოხვანის ჰესების კასკადის მშენებლობის შესახებ და კომპანიამ დატოვოს რიონის ხეობა;
- გაუქმდეს განკარგულება, რომლის საფუძველზეც, კომპანია „ენკას“ საკუთრებაში და ასევე, სარგებლობის უფლებით სხვადასხვა მუნიციპალიტეტში ტერიტორიები გადაეცა;
- გაუქმდეს ნამოხვანის ჰესების კასკადზე 2015 წელს გაცემული სამშენებლო ნებართვა და სხვა მასზე დაფუძნებული ყველა დოკუმენტი;
- თანამდებობიდან გადადგეს ეკონომიკის მინისტრი ნათია თურნავა და დადგეს ყველა იმ პირის პასუხისმგებლობის საკითხი, რომლებიც ხელს აწერენ კონკრეტულ დოკუმენტებს პროექტთან დაკავშირებით;
- გამოცხადდეს მორატორიუმი ქვეყანაში დაგეგმილ ენერგოპროექტებზე და დიალოგის პროცესში განისაზღვროს ქვეყნის ენერგოპოლიტიკასთან დაკავშირებული საკითხები.
