ნიდერლანდების საგარეო საქმეთა მინისტრი ანკე ბრუინს სლოტი თავის X-ზე გამოეხმაურა პარლამენტში რუსული კანონის პირველი მოსმენით მიღებას. მინისტრის თქმით, აღნიშნული კანონი არ ასახავს ევროკავშირის სტანდარტებს და შესაძლოა, დააზიანოს საქართველოს გზა ევროკავშირისკენ.
„შეშფოთებული ვარ საქართველოს პარლამენტის მიერ პირველი მოსმენით „უცხოური გავლენის გამჭვირვალობის შესახებ“ კანონპროექტის დამტკიცებით.
ამან შესაძლოა ხელი შეუშალოს სამოქალაქო საზოგადოებისა და მედიის მნიშვნელოვან მუშაობას.
ეს კანონი არ ასახავს ევროკავშირის სტანდარტებს და შესაძლოა, დააზიანოს საქართველოს გზა ევროკავშირისკენ“, – განაცხადა ნიდერლანდების საგარეო საქმეთა მინისტრმა.
I am concerned by the adoption of the draft law on ‘transparency of foreign influence’ in a first hearing by the Georgian parliament. It could impede crucial work of civil society and media. This law does not reflect EU standards and could compromise Georgia’s EU path. https://t.co/VCwSuPANCv
— Hanke Bruins Slot (@HankeBruinsSlot) April 18, 2024
„ქართული ოცნების“ და „ხალხის ძალის“ 82-მა დეპუტატმა და „ევროპელი სოციალისტების“ ერთმა დეპუტატმა I მოსმენით მხარი დაუჭირა რუსულ კანონს, რომელიც არასამთავრობო ორგანიზაციებისა და მედიების უცხოური ინტერესების სუბიექტებად დარეგისტრირებას ითვალისწინებს. მმართველმა გუნდმა ეს მაინც გააკეთა, მიუხედავად მოქალაქეების პროტესტის, ადგილობრივი და საერთაშორისო ორგანიზაციების და დასავლური ქვეყნების ლიდერების კრიტიკის პარალელურად.
ანალოგიური რეპრესიული კანონი არსებობს რუსეთშიც. სწორედ მის საფუძველზე დევნიან იქ თავისუფალი აზრის მქონე ორგანიზაციებს და ადამიანებს.
