NATO-ს გენერალური მდივნის, იენს სტოლენბერგის განცხადებით, უნგრეთი ვეტოს არ დაადებს NATO-ს გადაწყვეტილებას უკრაინისთვის დახმარების მიწოდების შესახებ.
სტოლტენბერგი უნგრეთის დედაქალაქ ბუდაპეშტში იმყოფება. მისი თქმით, უნგრეთი NATO-ს დახმარების ამ პაკეტში თავის წვლილს არ შეიტანს. თუმცა, არც ხელს შეუშლის მოკავშირეებს, გამოყონ ფინანსური დახმარება ომში მყოფი უკრაინისთვის.
NATO-ში გადაწყვეტილებების მიღებას სრული კონსენსუსი სჭირდება.
NATO-ს გენერალურმა მდივანმა და უნგრეთის პრემიერ-მინისტრმა შეთანხმებას ხანგრძლივი მოლაპარაკებების შემდეგ მიაღწიეს.
„დღევანდელ შეხვედრაზე ჩვენ შევთანხმდით, რომ უნგრეთი არ მიიღებს მონაწილეობას NATO-ს მხარდაჭერაში უკრაინის მიმართ, ხოლო სხვებს საშუალებას მისცეს, წინ წავიდნენ. უნგრეთი აგრძელებს ნატოს ყველა ვალდებულების შესრულებას და რჩება მის ღირებულ მოკავშირედ”. – დაწერა სტოლტენბერგმა X-ზე.
