სარეაბილიტაციო სამუშაოების გამო თამარ მეფის გამზირზე 15 ივლისიდან 10 აგვისტომდე ღამის საათებში ტრანსპორტით გადაადგილებაზე ნაწილობრივ შეზღუდვები დაწესდება.
„თამარ მეფის გამზირზე დაგეგმილ სამუშაოებთან დაკავშირებით, 15 ივლისიდან 10 აგვისტომდე სატრანსპორტო საშუალებების გადაადგილება ნაწილობრივ შეიზღუდება.
სამუშაოები ძირითადად, თამარ მეფის გამზირისა და აღმაშენებლის გამზირის კვეთაზე არსებულ საგზაო მონაკვეთში ჩატარდება. სამუშაოების განმავლობაში, არსებული საგზაო კუნძულების, ტროტუარებისა და გზის სავალი ნაწილის რეკონსტრუქცია-მოდერნიზება განხორციელდება.
საჭიროების შემთხვევაში, გზის სავალი ნაწილის გადაკეტვა მხოლოდ ღამის საათებში, 00:00-დან 06:00 საათამდე პერიოდში მოხდება.
სატრანსპორტო საშუალებებისთვის გადაადგილების მიმართულებები უცვლელი დარჩება“, ნათქვამია ინფორმაციაში.
