ცესკოს თავმჯდომარე გიორგი კალანდარიშვილს სახეზე შავი საღებავი შეასხეს.
ცესკოს სხდომა, სადაც 2024 წლის 26 ოქტომბრის არჩევნები უნდა შეაჯამონ, რამდენიმე წუთის დაწყებული იყო.
სიტყვას ცესკოს წევრი ენმ-დან, დავით კირთაძე ამბობდა.
მან კალანდარიშვილს მიმართა, „თქვენ თავმჯდომარესაც ვერ გიწოდებთ, თქვენ ხართ „ტოჩკა.რუ”.
ცესკოს თავმჯდომარემ მას სიტყვა შეაწყვეტინა და უთხრა, რომ მისი განცხადება არაფერ შუაშია შემაჯამებელ სხდომასთან, შემდეგ კი უთხრა: „არ მაიძულოთ, დაგატოვებინოთ დარბაზი”.
დავით კირთაძე კალანდარიშვილის მაგიდას მიუახლოვდა და მოულოდნელად სახეზე შავი საღებავი შეასხა.
⭕ ცესკოს თავმჯდომარეს, გიორგი კალანდარიშვილს სახეში შავი საღებავი შეასხეს
