დიდი ბრიტანეთის პრემიერ-მინისტრმა, კირ სტარმერმა „მსურველთა კოალიციის“ ვირტუალურ შეხვედრაზე უკრაინაში 10 000-ზე მეტი დასავლელი სამშვიდობოს გაგზავნის გეგმა განიხილა.
ინფორმაციას გამოცემა The Times ავრცელებს.
მაღალჩინოსანმა წყაროებმა მთავრობიდან განაცხადეს, რომ პრემიერ-მინისტრმა სტარმერმა კიდევ რამდენიმე ქვეყნის მხარდაჭერა მოიპოვა, თუმცა The Times-ის თქმით, ძალების უმეტესი ნაწილი, სავარაუდოდ, ბრიტანეთიდან და საფრანგეთიდან იქნება.
ერთ-ერთმა წყარომ The Times-ს უთხრა, რომ „საქმე საკმაოდ წინ წავიდა“, თუმცა არ ასახელებს სხვა დეტალებს იმის შესახებ, თუ ვინ რა წვლილ შეიტანს, რადგან ამით „რუსეთს არ დაეხმარონ”.
წყარომ ასევე აღნიშნა: „ეს იქნება მნიშვნელოვანი ძალა მნიშვნელოვანი რაოდენობის ქვეყნების ჩართულობით, რომლებიც განალაგებენ ჯარს და იქნება კიდევ უფრო დიდი ჯგუფი, რომელიც სხვა გზებით შეიტანს წვლილს”.
ასევე, მაღალჩინოსანმა წყარომ სამშვიდობო ძალების შეკრების სიჩქარეს „უპრეცედენტო“ უწოდა.
