აშშ-ის ყოფილმა პრეზიდენტმა, დონალდ ტრამპმა, რომელიც „რესპუბლიკელების“ საპრეზიდენტო კანდიდატად ოფიციალურად დასახელდა, მომავალი საპრეზიდენტო არჩევნებისთვის ვიცე-პრეზიდენტობის კანდიდატად ჯეიმს დევიდ ვანსი დაასახელა.
ამ გადაწყვეტილების შესახებ ტრამპმა საზოგადოებას სოციალური ქსელით ამცნო.
39 წლის ვანსი ოჰაიოს შტატის რესპუბლიკელი სენატორია.
„ის ღირსეულად ემსახურებოდა ჩვენს ქვეყანას საზღვაო ქვეითთა კორპუსში, დაამთავრა ოჰაიოს სახელმწიფო უნივერსიტეტი ორ წელში და არის იელის სამართლის სკოლის კურსდამთავრებული, სადაც იყო იელის სამართლის ჟურნალის რედაქტორი და იელის სამართლის ვეტერანთა ასოციაციის პრეზიდენტი.
ჯეი დის წიგნი – „Hillbilly Elegy“ გახდა მთავარი ბესტსელერი…
ჯეი დის ჰქონდა ძალიან წარმატებული ბიზნესკარიერა ტექნოლოგიასა და ფინანსებში და ახლა, კამპანიის დროს, მტკიცედ იქნება ორიენტირებული იმ ადამიანებზე, ვისთვისაც ასე ბრწყინვალედ იბრძოდა, ამერიკელ მუშებსა და ფერმერებზე პენსილვანიაში, მიჩიგანში, ვისკონსინში, ოჰაიოში, მინესოტაში და შორს“, – წერს ტრამპი ვანსის წარდგენისას.
CNN-ის მიხედვით, ვანსი წლების განმავლობაში ტრამპის კრიტიკოსი იყო.
„ვანსი კონგრესში 2022 წელს ტრამპის დახმარებით შევიდა. ის 2016 წელს აკრიტიკებდა მას და 6 წლის შემდეგ ტრამპმა საჯაროდ დაამცირა ვანსი 2022 წლის არჩევნებში მისი მხარდაჭერის შემდეგ.
სენატში ვანსი ტრამპის აშკარა მხარდამჭერი იყო და ხშირად აძლევდა ხმას ყოფილი პრეზიდენტის ინტერესების ერთგულებას. ის ეწინააღმდეგებოდა უკრაინის დახმარების კანონპროექტს ამ წლის დასაწყისში. ის ახლობლობს დონალდ ტრამპ უმცროსთან“, – წერს CNN.
