თბილისის სახელმწიფო უნივერსიტეტში მე-8 მოწვევის სტუდენტური თვითმმართველობის არჩევნები მიმდინარეობს.
დარეგისტრირებულია 160 დამოუკიდებელი კანდიდატი. სტუდენტები 6 ფაკულტეტიდან 120 დელეგატს აირჩევენ.
რაც შეეხება ამომრჩეველთა რაოდენობას, მათ 18 299 აქტიური სტატუსის მქონე სტუდენტი წარმოადგენს.
მედიცინის ფაკულტეტისა და ტურიზმის სკოლის გარდა, ყველა სხვა ფაკულტეტზე I და II კურსებიდან აირჩევა 7-7, ხოლო III და IV კურსებიდან – 3-3 დელეგატი.
მედიცინის ფაკულტეტზე 3 დელეგატი აირჩევა I კურსიდან, 3 – II კურსიდან, 2 – III კურსიდან, 2 – IV და V კურსებიდან, ხოლო ტურიზმის სკოლიდან 3 დელეგატი აირჩევა I კურსიდან, 3 – II კურსიდან, 2 – III კურსიდან და 2 – IV კურსიდან.
ხმის მიცემის პროცესი 18:00 საათზე დასრულდება.
