თურქეთის ჯანდაცვის მინისტრის, ქემალ მემისოღლუს განცხადებით, 23 აპრილს, 6.2 მაგნიტუდის სიდიდის მიწისძვრის შედეგად გამოწვეული პანიკური ინციდენტების შედეგად სტამბოლში, სულ მცირე, 236 ადამიანი დაშავდა.
150-ზე მეტი ადამიანი შენობებიდან გადახტომის მცდელობისას დაშავდა – ისინი კლინიკაში გადაიყვანეს.
ოფიციალური ცნობები მიწისძვრის შედეგად გამოწვეული ნგრევის ან მსხვერპლის შესახებ არ გავრცელებულა.
შინაგან საქმეთა მინისტრის განცხადებით, მიწისძვრა, დაახლოებით, 13 წამის განმავლობაში გაგრძელდა, მიწისძვრის შემდეგ კი კიდევ 50-ზე მეტი ბიძგი დაფიქსირდა.
აშშ-ის გეოლოგიური სამსახურის ცნობით, მიწისძვრის სიღრმე 10 კილომეტრი იყო, ეპიცენტრი კი სტამბოლიდან სამხრეთ-დასავლეთით დაახლოებით 40 კილომეტრში მდებარეობდა.
