თურქეთის მოქმედმა პრეზიდენტმა რეჯეპ ტაიპ ერდოღანმა არჩევნების პირველ ტურში გამარჯვება ვერ შეძლო. საპრეზიდენტო არჩევნების მეორე ტური 28 მაისს გაიმართება.
თურქეთის საარჩევნო საბჭოს ხელმძღვანელის განცხადებით, წინასწარი შედეგებით, ერდოღანმა მიიღო ხმების 49.51%, მის მთავარ კონკურენტს, ქემალ ქილიჩდაროღლუს კი – 44.88%.
ბოლო მონაცემებით, დათვლილია ხმების 99.87%, რაც საბოლოო შედეგს ვერ შეცვლის იმ შემთხვევაშიც, თუკი თითოეული ხმა მოქმედი პრეზიდენტის სასარგებლოდ იქნება.
